जेन–जी अभियन्ता मिराज ढुंगानाले गरे आन्दोलनको घोषणा

काठमाडौँ । जेन–जी अभियन्ता मिराज ढुंगानाले वर्तमान सरकारको विरुद्धमा आन्दोलन गर्ने घोषणा गरेका छन ।

उनले आज एक कार्यक्रमबीच जेन–जी आन्दोलनको नेतृत्व वर्तमान सरकारले गर्न नसक्ने भन्दै भोलिदेखि देशव्यापी ‘संयुक्त जेन जी’ आन्दोलन घोषणा गरेका हुन् । भोलि माइतीघरमा ११ बजे भेला हुन उनले सबैमा आव्हान गरेका छ्न् ।

भदौ २३- २४ को आन्दोलन र यसले उठाएको मागप्रति प्रधानमन्त्री सुशीला कार्की नेतृत्वको सरकारले बेवास्ता गरेको ढुंगानाको जिकिर छ । सय दिनमा जनताले महसुस गर्ने गरी कुनै काम नभएको बरु वर्तमान सरकारले निर्वाचनको मात्रै रटान लगाइरहेको उनको आरोप छ ।

कार्की सरकारले जेन- जी आन्दोलनको मर्म नबोकेको साथै समग्र युवाको नेृत्व नगरेको भन्दै उनले सर्वपक्षीय सरकार गठनको माग गरेका छन् । उनले भोली सोमवार माईतीघरबाट आन्दोलन थाल्ने जानकारी दिएका छन् । जुन आन्दोलन शान्तिपूर्ण हुने उनको दाबी छ ।