सुनको मूल्यमा नयाँ रेकर्ड, प्रतितोला २ लाख ६७ हजार

काठमाडौं । नेपाली बजारमा सुनको मूल्यले दिन प्रति दिन नयाँ रेकर्ड बनाएको छ ।

नेपाल सुनचाँदी व्यवसायी महासंघका अनुसार आज एकैदिन तोलामा ५ हजार पाँच सय रुपैयाँले बढेर छापावाल सुन प्रतितोला २ लाख ६७ हजार २०० रुपैयाँमा कारोबार भइरहेको छ । यो नै हालसम्मको उच्च मूल्य हो ।

सोमबार छापावाल सुनको मूल्य प्रतितोला २ लाख ६१ हजार ७०० रुपैयाँमा कारोबार भएको थियो ।

यसैबीच, चाँदीको मूल्य तोलामा २० रुपैयाँले बढेको छ । महासंघका अनुसार आज चाँदी प्रतितोला ४ हजार २५५ रुपैयाँमा खरिदबिक्री भइरहेको छ ।

यसअघि सोमबार चाँदीको मूल्य प्रतितोला ४ हजार २३५ रुपैयाँ कायम थियो ।