सप्तरी । जनता समाजवादी पार्टी (जसपा) नेपालका राष्ट्रिय अध्यक्ष तथा पूर्व उपप्रधानमन्त्री उपेन्द्र यादव आगामी प्रतिनिधिसभा निर्वाचनमा सप्तरी–३ बाट उम्मेदवार हुने भएका छन्।
जसपा नेपालको सोमबार राजविराजमा सम्पन्न बैठकले अध्यक्ष यादवलाई सप्तरी क्षेत्र नम्बर ३ बाट उम्मेदवार बनाउने निर्णय गरेको हो। सो निर्णयबारे जानकारी दिँदै पार्टीको युवा, विद्यार्थी तथा खेलकुद विभागका प्रमुख तथा पूर्व मधेश प्रदेश सभा सदस्य विदेश्वर यादव (विक्की) ले बैठकले सर्वसम्मत निर्णय गरेको बताए।
यसअघि अध्यक्ष यादवले २०७९ सालको प्रतिनिधिसभा निर्वाचनमा सप्तरी–२ बाट चुनाव लडेका थिए। तर सो निर्वाचनमा उनी जनमत पार्टीका अध्यक्ष डा. सिके राउतसँग पराजित भएका थिए।
यस्तै बैठकले जसपा नेपालबाट सप्तरीका अन्य क्षेत्रका उम्मेदवारसमेत टुंग्याएको छ। पार्टीले सप्तरी–१ बाट श्याम सरदार, सप्तरी–२ बाट पूर्व मन्त्री उमेश यादव र सप्तरी–४ बाट डा. बबी सिंह यादव लाई उम्मेदवार बनाउने निर्णय गरेको नेता यादवले जानकारी दिए।
जसपा नेपालले यस निर्णयलाई मधेश केन्द्रित राजनीति थप सशक्त बनाउने रणनीतिक कदमका रूपमा व्याख्या गरेको छ।
ताजा अपडेट
- अमेरिकाले इरानमाथि फेरि गर्यो हमला, लाराक द्विपलाई निशाना बनाएर आक्रमण
- मधेशका १६२ जना अझै सम्पर्कविहीन, फर्किने आशामा परिवार, खोजिदिन हारगुहार
- धुर्कोटमा टिप्पर र मोटरसाइकल ठोक्किंदा एक जनाको मृत्यु
- भोटेकोशी बाढी : पहिचान नखुलेका १९९ शवको व्यवस्थापन, १२ को सनाखत
- ढोल–झ्याम्टासँगै जाग्दैछ पाल्पाको लाखे संस्कृति
- कांग्रेस संसदीय दलको बैठक बस्दै
- धुन्चेमा मोबाइलको नेटवर्क धान्न जेनेरेटरको भर
- आज यी ठाउँमा भारी वर्षाको सम्भावना, कहाँ हुँदैछ धेरै भारी वर्षा
धेरैले पढेको
- स्रष्टा अभिनन्दन तथा डेउडा सांस्कृतिक उत्सव हुँदै
- रामेछापको सुनापाती गाउँपालिकामा सडक निर्माणमा चरम भ्रष्टाचार भएको स्थानीयकोआरोप
- समानुपातिक बन्दसूचीमा ‘मनपरी’, सडकमा महिलाहरूको खबरदारी
- सशस्त्रको गोली लागेर सफारी चालकको मृत्यु, सुनसरीमा तनाव
- महाकाली सन्धिका तीन दशकः सिँचाइका लागि बगेन पानी
- कोरिया जान नपाएकाको पक्षमा मन्त्रालयका तीन निर्णय
- हिमाचल आगलागी :९ नेपाली सम्पर्कविहीन, ३ जनाको मृत्यु
- औषधि व्यवस्था विभागले भन्यो- ‘लेभोफ्क्स-५००’ ट्याबलेट बजारबाट फिर्ता गर्नुहोस्
तपाईको प्रतिक्रिया