जाँचबुझ आयोगको म्याद थप्ने तयारी

काठमाडौँ । सरकारले जाँचबुझ आयोगको म्याद थप्ने तयारी गरेको छ।यस विषयमा निर्णय गर्न आज मन्त्रिपरिषद् बैठक बस्दै छ।

सिंहदरबारस्थित प्रधानमन्त्री तथा मन्त्रिपरिषद् कार्यालयमा आज दिउँसो ३ बजे बैठक बस्ने तय भएको छ।

मन्त्रिपरिषद् सचिवालय स्रोतका अनुसार बैठकमा निर्वाचन तयारी, सरकारका प्रशासनिक कामकारबाहीलगायत विविध समसामयिक विषयमा छलफल हुनेछ।

त्यसैगरी जेन–जी आन्दोलनका क्रममा भएका घटनाको छानबिनका लागि गठन गरिएको न्यायिक जाँचबुझ आयोगको म्याद थप्ने विषय पनि आजको बैठकको मुख्य एजेन्डा रहने बताइएको छ।

आयोगले तोकिएको समयमा प्रतिवेदन बुझाउन नसकेपछि म्याद थप्ने तयारी गरिएको हो। आजको मन्त्रिपरिषद् बैठकबाट आयोगको नयाँ म्याद र आगामी कार्यदिशा टुंगो लाग्ने अपेक्षा गरिएको छ।