बेपत्ता पत्रकार र पत्रकार परिवारको खोजी गर्न महासंघको माग

११ भदौ, काठमाडौं । नेपाल पत्रकार महासंघले रसुवा बाढीका कारण बेपत्ता पत्रकार र पत्रकारका परिवारको तत्काल खोजी गर्न सम्बन्धित निकायसँग माग गरेको छ ।

महासंघका महासचिव रामप्रसाद दाहालले एक प्रेस विज्ञप्ति जारी गर्दै यस्तो माग गरेका हुन् ।

विज्ञप्तिमा समाचार संकलनका लागि केरुङ हुँदै तिब्बततर्फ गएका महासंघका पूर्वकेन्द्रीय सदस्य टेकराज थामी केरुङबाट सम्पर्कविहीन भएको खबर परिवारबाट प्राप्त भएको उल्लेख छ ।

यस्तै नुवाकोटको विदुर–७ बाट पत्रकार निराजन पौडेलका परिवारका पाँच जना सदस्य सम्पर्कविहीन भएको जानकारीमा आएको छ पनि विज्ञप्तिमा उल्लेख छ ।

साभार : अनलाइनखबर