पाँच दलले बुझाए समानुपातिक उम्मेदवारको बन्दसूची

काठमाडौँ । निर्वाचन आयोगमा समानुपातिकतर्फको बन्दसूची बुझाउने दलको संख्या ५ पुगेको छ । फागुन २१ मा हुने प्रतिनिधि सभा निर्वाचनका लागि आज आयोगमा बन्द सूची बुझाउने अन्तिम दिन हो ।

अहिलेसम्म उमेदवारको सूची बुझाउनेमा नेपाल मजदुर किसान पार्टी, नेपाल लोकतान्त्रिक पार्टी, राष्ट्रिय जनमोर्चा, जनप्रिय लोकतान्त्रिक पार्टी र नेपाल कम्युनिस्ट पार्टी माक्सवादी (पुष्पलाल) छन् ।

बन्दसूची बुझाउन आयोगले आजसम्मको समय तोकेको छ । प्रमुख दल अझै आयोग पुगेका छैनन् ।