राष्ट्रिय सभामा चार दलबीच भागबन्डा, कसले कति सीट पाए ?

काठमाडौं । राष्ट्रिय सभा निर्वाचनमा तीन ठुला पार्टीबीच तालमेल हुने भएको छ । राष्ट्रियसभा निर्वाचनमा नेपाली कांग्रेस, नेकपा (एमाले), नेपाली कम्युनिस्ट पार्टी (नेकपा) र मधेशकेन्द्रित जनता समाजवादी पार्टी (जसपा) लोकतान्त्रिक समाजवादी पार्टी (लोसपा) बीच तालमेल हुने भएको हो ।

वार्तामा सहभागी एक नेताका अनुसार कांग्रसले सात, एमालेले सात, नेपाली कम्युनिस्ट पार्टीले तीन र जसपाले एक सिट लिने गरी समझदारी बनेको छ ।

तर, नेकपा र जसपाले भने अझै चित्त बुझाइसकेका छैनन्। कांग्रेसले प्रारम्भमा ८ सिट माग गरेको थियो, तर एमालेसँगको तालमेल र भोटको सन्तुलनका कारण ७ सिटमा सहमति गरिएको हो।

नेकपा चार सिटमा दाबी गरिरहेको छ भने जसपा पनि आफ्नो पूर्व सिटको दाबी गर्दैछ। हाल १८ रिक्त सिटमा मात्रै बाँडफाँट तय भएको छ र क्लस्टरमा कुन दलले कुन सिट पाउने भन्ने अझै टुंगो भएको छैन।

सरकार गैरदलीय भएकाले मन्त्रिपरिषद्ले सिफारिस गर्ने संख्यामा दलहरूले अबको छलफलमा अन्तिम निर्णय गर्ने अपेक्षा गरिएको छ।