लुम्बिनीका मुख्यमन्त्री आचार्यले आज विश्वासको मत लिंदै

८७ जना प्रदेश सभा सदस्य रहेको लुम्बिनी प्रदेश सभामा गत फागुनको निर्वाचनमा उम्मेदवार बन्न ४ जनाले राजीनामा दिएपछि अहिले ८३ जना मात्रै सांसद छन् । प्रदेश सभामा बहुमतका लागि ४२ सांसद आवश्यक पर्छ । प्रदेश सभामा एमालेका २९ र नेकपाका सभामुखसहित १३ सांसद छन् ।

एमाले र नेकपाबीच भएको सहमतिअनुसार लुम्बिनी प्रदेश सरकारको नेतृत्व एमालेले गर्ने र हालका मुख्यमन्त्री आचार्यलाई नै मुख्यमन्त्रीमा निरन्तरता दिने समझदारी भइसकेको छ। मुख्यमन्त्री आचार्यले विश्वासको मत लिएपछि मात्रै सरकार विस्तार र मन्त्रालय बाँडफाँट टुङ्ग्याउने तयारी छ।

मुख्यमन्त्री तथा मन्त्रिपरिषद् कार्यालय वाहेक ८ वटा मन्त्रालय कायम भएपछि सत्ता सोझेदार दलहरुबीच मन्त्रालय बांडफाटमा चुनौति देखिन्छ । नयाँ सत्ता समीकरणअनुसार नेकपालाई कुन कुन मन्त्रालय दिने सहमति जुट्न बाँकी रहेको नेकपाका प्रदेश संसदीय दलका नेता इन्द्र जित थारूले बताए ।

हाल मुख्यमन्त्रीसहित एमालेका पाँच र जनता समाजवादी पार्टी नेपालका एक र लोसपाका एक जना मन्त्री सरकारमा छन् ।

“स्रोत: अनलाइनखबर”