चेक बाउन्सलाई बढी अपराधिकरण गर्न हुँदैन: गभर्नर पौडेल

काठमाडौं। नेपाल राष्ट्र बैंकका डा गभर्नर विश्वनाथ पौडेलले कर्जा प्रवाह नबढ्नुको कारण कालोसूचीमा राख्ने क्रम अस्वभाविका रुपमा बढेको भन्दै गम्भीर चासो देखाएका छन्।

राजधानीमा शुक्रबार भएको बैंक तथा वित्तीय संस्था परिसंघ नेपालको वार्षिक साधारणसभालाई सम्बोधन गर्दै गभर्नर पौडेलले करिब १० लाख उद्यमी भएको देशमा डेढ लाख भन्दा बढी कालोसूचीमा राखिनु स्वभाविक नभएको बताए। कालोसूचीमा राखेकै कारण कतै कर्जा लिनेको संख्या बढ्न नसकेको हो की भनेर राष्ट्र बैंकले छलफल थालेको समेत उनको भनाइ छ। गभर्नर पौडेलले चेक बाउन्सलाई धेरै नै अपराधिकरण गर्न नहुने बताए ।

गभर्नर पौडेलले बैंक तथा वित्तीय संस्थाहरुका प्रमुख कार्यकारी अधिकृतहरुलाई व्यवसायमा लगानी बढाउन समेत आग्रह गरे ।