ग्लोवल बैंक द्धारा श्रीकोटमा वित्तीय साक्षरता कार्यक्रम सम्पन्न

बैतडी,

Global IME Bank ले Global Money Week २०२६ को अवसरमा देशभर सञ्चालन गरिरहेको कार्यक्रम अन्तर्गत बैतडीको दोगडाकेदार शाखाले वित्तीय साक्षरता तथा डिजिटल बैंकिङ सम्बन्धी जनचेतनामूलक कार्यक्रम सम्पन्न गरेको छ ।

कार्यक्रममा स्थानीय सर्वसाधारण तथा विद्यार्थीहरूको उल्लेख्य सहभागिता रहेको थियो । सहभागीहरूलाई बैंकिङ सेवा, बचतको महत्व, डिजिटल कारोबारको प्रयोग तथा सुरक्षित वित्तीय अभ्यासबारे जानकारी दिइएको छ ।

बैंकका दोगडाकेदार शाखा प्रवन्धक लक्ष्मण दत्त जोशीले यस्ता कार्यक्रमले ग्रामीण क्षेत्रमा वित्तीय पहुँच विस्तार गर्नुका साथै सर्वसाधारणमा सचेतना बढाउन सहयोग पुग्ने बताए । भविष्यमा पनि यस्ता जनचेतनामूलक कार्यक्रमलाई निरन्तरता दिने बैंकमा कार्यरत अर्जुन मालको भनाई छ ।