‘किनार’ ले झल्काउँछ किनाराबासीको वास्तविकता

काठमाडौं ।

लेखक पुष्पराज पाण्डेय द्वारा लिखित कथा संग्रह ‘किनार’ को विमोचन गरिएको छ। उक्त कृति आज नेपाल प्रज्ञा प्रतिष्ठान, काठमाडौं मा आयोजित एक कार्यक्रममा सार्वजनिक गरिएको हो ।

कार्यक्रममा वक्ताहरूले ‘किनारा’ ले नेपाली समाजमा विद्यमान विकृति र विसंगतिमाथि व्यंग्यात्मक ढंगले प्रहार गर्दै जनचेतना अभिवृद्धिमा योगदान पुर्‍याउने विश्वास व्यक्त गरेका थिए । कृतिमा सामाजिक यथार्थलाई कलात्मक शैलीमा प्रस्तुत गरिएको छ ।

संग्रहमा सुदूरपश्चिम क्षेत्रको भूगोल, कला तथा संस्कृतिलाई विशेष प्राथमिकताका साथ समेटिएको छ, जसले क्षेत्रीय पहिचान र मौलिकता उजागर गर्न सहयोग पुर्‍याएको छ ।

लेखक पाण्डेयका अनुसार ‘किनारा’ भित्र १७ वटा कथाहरू समावेश गरिएका छन्, जसले समाजका विविध पक्ष र वास्तविक चरित्रलाई उजागर गर्ने प्रयास गरेका छन् ।