चर्चित रंगपत्रकार दिनेश सिटौला निधन

काठमाडौं । चर्चित रंगपत्रकार दिनेश सिटौला निधन भएका छन्। ग्राण्डी अस्पतालको भेन्टिलेटरमा उपचाररत सिटौलाले आज दिउँसो १२:४५ बजे अन्तिम सास लिए।

गत शुक्रबार अछाममा अचानक बेहोस भएर ढलेपछि उनलाई काठमाडौं ल्याई उपचार गरिएको थियो। अस्पतालका अनुसार उनलाई एन्यूरिज्म रप्चर (ब्रेन ह्यामरेज) भएको थियो। तीन दिनसम्म उपचार गर्दा पनि स्वास्थ्यमा सुधार नआएपछि उनको निधन भएको हो।

सिटौला राष्ट्रिय स्वतन्त्र पार्टीसँग औपचारिक रूपमा आबद्ध थिएनन्। उनी बालेन्द्र साहको चुनावी प्रचार टोलीसँग सुदूरपश्चिम पुगेका थिए।