राष्ट्रपति ट्रम्पका पूर्व सहयोगी ब्याननको पक्षमा सर्वोच्च अदालतको निर्णय

अमेरिकी सर्वोच्च अदालतले सोमबार अमेरिकी राष्ट्रपति डोनाल्ड ट्रम्पका पूर्व सल्लाहकार स्टिभ ब्याननलाई जनवरी ६ मा अमेरिकी संसद भवन (क्यापिटोल) मा भएको आक्रमणसँग सम्बन्धित मुद्दामा आफ्नो सजाय उल्ट्याउन बाटो खोलिदिएको छ।

राष्ट्रपति ट्रम्पका एक प्रमुख सहयोगी ब्याननले सन् २०२१ को आक्रमणको अनुसन्धान गर्ने कांग्रेस प्यानल समक्ष गवाही दिन सबपोनाको अवज्ञा गरेको आरोपमा सन् २०२४ मा संघीय जेलमा चार महिना बिताउनुभएको थियो । सर्वोच्च अदालतमा ब्याननको सजायलाई उल्ट्याउन अपिल गरेको ट्रम्प प्रशासनले फेब्रुअरीमा सामेल गरेको कानुनी चुनौतीको पक्षमा निर्णय आएको हो । कार्यवाहक महान्यायाधिवक्ता टोड ब्लान्चेले यस कदमलाई ‘पूर्व प्रशासनले न्याय प्रणालीलाई हतियार बनाएको’ दाबी गरेको कुराबाट सुधार भएको बताउनुभएको छ।

सोमबार एक संक्षिप्त अहस्ताक्षरित निर्णयमा सर्वोच्च अदालतले यो अनुरोधलाई स्वीकार गर्यो ब्याननको सजायलाई समर्थन गर्ने पुनरावेदन निर्णयलाई रद्द गर्यो ।

त्यसपछि मुद्दालाई सुनुवाईका लागि अदालतमा पठाएको थियो। ट्रम्पको पहिलो राष्ट्रपतीय चुनावी अभियानका मुख्य योजनाकार ब्याननलाई सन् २०१७ को अगस्टमा ह्वाइट हाउसमा प्रमुख रणनीतिकारबाट बर्खास्त गरिएको थियो ।

उहाँ डेमोक्र्याटिक उम्मेदवार जो बाइडेनले जितेको सन् २०२० को राष्ट्रपति चुनावमा धाँधलीको झूटो आरोपको पछाडि सबैभन्दा चर्को विरोध गर्नेमध्ये एक हुनुहुन्थ्यो । अर्को मुद्दामा ब्याननले गत वर्ष अमेरिका–मेक्सिको सीमामा पर्खाल निर्माण गर्ने निजी योजनालाई पैसा दिने दाताहरूलाई ठगेको अभियोगमा दोषी ठहयाइएको थियो ।

ब्याननले सीमा पर्खाल योजनालाई लिएर संघीय आरोपको सामना गर्नुपरेको थियो तर ह्वाइट हाउसमा रिपब्लिकनको पहिलो कार्यकालको अन्त्यमा माफी पाउनुभएको थियो ।