जंगली हात्तीबाट पीडितलाई एक करोड ३७ लाख रुपैयाँ राहत

जिल्लामा चालु आर्थिक वर्षको हालसम्म आठ सय ८३ हात्तीपीडितलाई एक करोड ३७ लाख ३८ हजार ६४ रुपैयाँ राहत उपलब्ध गराइएको डिभिजन वन कार्यालयका वन अधिकृत हिमाल पाठकले जानकारी दिए । यस वर्ष हात्तीको आक्रमणमा परी जिल्लामा चार जनाले ज्यान गुमाएका छन्, भने एउटा हात्ती मृत फेला परेको उनले बताए ।

हात्तीको आक्रमणबाट सख्त खाइते दुई जनालाई चार लाख रुपैयाँ, मृतक चार जनाको परिवारलाई ४० लाख रुपैयाँ, १० वटा पशुधन क्षतिवापत एक लाख रुपैयाँ, एक सय ८४ परिवारले भण्डार गरेको अन्नमा क्षति भएबापत १४ लाख ५३ हजार सात सय ६४ रुपैयाँ, दुई सय ३५ वटा घरगोठमा क्षति भएबापत ३७ लाख २२ हजार तीन सय रुपैयाँ र चार सय ४८ किसानको अन्नबालीमा क्षति पु¥याएबापत ४० लाख ६२ हजार रुपैयाँ क्षतिपूर्ति उपलब्ध गराइएको डिभिजन वन कार्यालय झापाले जनाएको छ ।