वरिष्ठ कलाकार अवस्थी क्यान्सरसँग लड्दै, सांस्कृतिक समाज द्वारा रकम प्रदान, थप सहयोगको अपिल

काठमाडौँ —
सुदूरपश्चिमका वरिष्ठ डेउडा गायक तथा ओम डिजिटल रेकर्डिङ स्टुडियो सञ्चालक टेकराज अवस्थीलाई क्यान्सरको सङ्क्रमण देखिएको छ ।

काठ्माण्डौँको महाराजगन्ज स्थित शिक्षण अस्पतालमा उपचाररत अवस्थीलाई उपचारमा आर्थिक अभाव भएकोहुदाँ सबै मनकारी व्यक्तिहरूमा सहयोगको अपिल गरेका छन् ।
यसैबिच बिहीबार सांस्कृतिक समाज नेपालको अग्रसरतामा आर्थिक सहयोग प्रदान गरिएको छ ।

समाजका अध्यक्ष राम प्रसाद अवस्थीको अगुवाइमा संकलन गरेको रु ४६,००० (छयालीस हजार) अर्का वरिष्ठ डेउडा गायक तथा संस्थाका सल्लाहकार नन्द कृष्ण जोशीको हातबाट उक्त रकम अवस्थीलाई हस्तान्तरण गरिएको हो ।

सो अवसरमा उपस्थितहरूले गायक अवस्थीको शीघ्र स्वास्थ्य लाभको कामना गर्दै उहाँको उपचारमा सबैको साथ र सहयोग आवश्यक रहेको बताएका छन् ।

सांस्कृतिक समाज नेपालले अवस्थीको उपचारमा थप आर्थिक सहयोगको खाँचो रहेको उल्लेख गर्दै देश–विदेशमा रहेका सम्पूर्ण शुभेच्छुक, कलाकार तथा सरोकारवालासँग सहयोग गर्न अपिल गरेको छ ।