एनपिएल: लुम्बिनी र पाेखरा तथा सुदूरपश्चिम र जनकपुर भिड्दै

काठमाडौं,१३ मंसिर
राजधानीमा जारी दाेस्राे संस्करणको नेपाल प्रिमियर लिग (एनपिएल)मा आज पनि दुई खेल हुँदैछन्।
त्रिवि अन्तर्राष्ट्रिय क्रिकेट रंगशाला,कीर्तिपुरमा बिहान ११:४५ बजे हुने पहिलाे खेलमा लुम्बिनी लायन्स र पोखरा एभेन्जर्स भिड्दा अपरान्ह ४ बजे साविक विजेता जनकपुर बोल्ट्स र साविक उपविजेता सुदूरपश्चिम राेयल्स खेल्नेछन् ।
राेहित पाैडेलकाे कप्तानीमा रहेकाे लुम्बिनी चारमध्ये एक र कुशल भुर्तेलकाे कप्तानीमा रहेकाे पाेखराले तीन खेलबाट एक खेल नै जितेकाे छ।
लुम्बिनी अंकतालिकाकाे साताैं र पाेखरा छैटौं स्थानमा छ। प्लेअफकाे सम्भावना जीवितै राख्न दुबै टाेलीलाई याे खेल जित्नुपर्ने अवस्था छ।

यस्तै अपरान्ह हुने दाेस्राे खेलमा जनकपुरले सुदूरपश्चिमकाे सामना गर्नेछ।
तीन खेल खेलेर अंकविहीन अवस्थामा रहेकाे जनकपुर आजकाे जित निकाल्दै पहिलाे जित निकाल्ने लक्ष्यमा छ। अंकतालिकाकाे पुछारमा रहेकाे जनकपुरले याे खेल नजिते प्लेअफ दाैडबाट बाहिरिने सम्भावना छ।

यता अपराजित रहेकाे सुदूरपश्चिम भने चारवटै खेल जितेर अंकतालिकाकाे पहिलाे स्थानमा छ।
आजकाे खेल जितेर सुदूरपश्चिम प्लेअफमा स्थान सुरक्षित गर्न चाहन्छ । यसका साथै गत संस्करणकाे फाइनलमा जनकपुरसँग हारेकाे बदला समेत लिने दाउमा सुदूरपश्चिम रहनेछ ।
याे खेल निकै राेमाञ्चक हुने अनुमान गरिएको छ।