Techie IT
  • आईतबार, मंसीर १४, २०८२ / Monday, December 1, 2025
गृहपृष्ठखेलकुदसुदूरपश्चिम दुई खेल अगावै प्ले अफमा

सुदूरपश्चिम दुई खेल अगावै प्ले अफमा


काठमाडौं,१३ मंसिर
सुदूरपश्चिम रोयल्स लगातारको पाँचौं जितमा दोस्रो संस्करणको नेपाल प्रिमियर लिग (एनपिएल) को प्ले अफमा प्रवेश गरेको छ।
सुदूरपश्चिम दुई खेल अगावै प्लेअफमा पुगेको हाे।

प्लेअफ पुग्ने क्रममा सुदूरपश्चिमले आज साविक विजेता जनकपुर बोल्ट्सलाई‌ ६ विकेटले हरायो ।

सुदूरपश्चिमको जितमा विनोद भण्डारी र इशान पाण्डेले उत्कृष्ट ब्याटिङ र बलिङ अविनाश बोहरा चम्किए।
जितको लागि १ सय ४६ रनको चुनौती पछ्याएको सुदूरपश्चिमले १७.४ ओभरमा ४ विकेट गुमाउँदै पूरा गर्याे।‌
१ रन जोड्दा २ विकेट गुमाएपछि धर्मराएकाे सुदूरपश्चिमलाई विनाेद र ईशानले सम्हाले ।यी दुबै ब्याटरबीच ९२ रनकाे साझेदारी भयाे।

ईशान ५६ तथा विनोद ४२ रनमा आउट भए।
बलिङमा जनकपुरका सदाकतले २ तथा सञ्जय र आदित्यले समान १ विकेट लिए।
यसअघि त्रिवि अन्तर्राष्ट्रिय क्रिकेट रंगशाला,कीर्तिपुरमा जनकपुरले टस जितेर पहिला ब्याटिङ गर्ने निर्णय गरेकामा निर्धारित २० ओभरमा ८ विकेटको क्षतिमा १४५ रन बनायाे।
जसमा सञ्जय कृष्णमुर्तिले सर्वाधिक ५०,जान निकलो लोफ्टी ईटनले ३९ रनकाे याेगदान गरे।
बलिङमा सुदूरपश्चिमका अभिनाश बाेहराले ४, स्कट कुगेलेइन ३ विकेट झारे।

सुदूरपश्चिम लगातार ५ जितसहित १० अंक बनाएको छ।‌
जनकपुरको यो लगातार चौथो हार हो। अंकको खाता खोल्न नसकेको जनकपुर पुछारमा छ। अब उसकाे प्ले अफकाे संभावना गणितीय आधारमा मात्र बाँकी रहेको छ।



तपाईको प्रतिक्रिया