एनपिएल: आज कर्णाली र काठमाडौं भिड्दै

काठमाडौं,१४ मंसिर
राजधानीमा जारी दाेस्राे संस्करणको नेपाल प्रिमियर लिग (एनपिएल)काे १९ औं खेलमा कर्णाली याक्स र काठमाडौं गाेर्खाज भिड्नेछन् ।
याे खेल त्रिभुवन विश्वविद्यालय अन्तर्राष्ट्रिय क्रिकेट रंगशाला,कीर्तिपुरमा दिउँसो साढे ३ बजेपछि सुरू हुनेछ ।
साेमपाल कामीकाे कप्तानीमा रहेकाे कर्णालीले चार खेलबाट एक खेल मात्रै जितेको छ। दुई अंक मात्रै जाेडेकाे कर्णाली छैटौं स्थानमा छ। प्लेअफमा यात्राकाे बाटोमा रहिरहन उसलाई आजकाे जित आवश्यक छ।

करण केसीको नेतृत्वमा रहेको काठमाडौंले पाँच खेलबाट ३ खेल जितेर तेस्रो स्थानमा छ।
प्लेअफकाे यात्रामा जाेडिन काठमाडौंका लागि पनि याे खेल महत्त्वपूर्ण हुनेछ।
जारी प्रतियोगितामा अपराजित सुदूरपश्चिम राेयल्स पाँच जीतका साथ प्लेअफमा सुरक्षित भइसकेको छ।
नेपाल क्रिकेट संघको आयाेजनामा मंसिर १ गतेदेखि सुरू भएको प्रतियोगितामा आठ टाेली सहभागी छन्।