इन्डोनेसियामा भीषण बाढी, पहिरो:  ७ सय बढीको मृत्यु

ठूलो वर्षा र चक्रवातले इन्डोनेसिया, श्रीलंका र दक्षिणी थाइल्याण्डलगायत एशियाका केही भागहरूमा ठूलो क्षति पुर्याएको छ । यी देशहरुमा अहिलेसम्म एक हजार दुई सय भन्दा धेरै मानिसको ज्यान गइसकेको छ ।

भौतिक पूर्वाधार ध्वस्त भएका छन् भने शहरहरू डुबेका छन् । इन्डोनेसियामा बाढीका कारण झन्डै ३० लाख मानिस प्रभावित भएको खबरमा उल्लेख छ । धेरै जसो मानिसहरु सञ्चार र विजुलीबाट बञ्चित भएका छन् ।

उच्च जोखिम भएका क्षेत्रहरूबाट १० लाख मानिसलाई सुरक्षित ठाउँमा सारिएको छ । विश्व स्वास्थ्य संगठनले ती क्षेत्रहरुमा स्वास्थ्य सामग्री पुर्याएको छ । धेरैजसो ठाउँमा अझै पनि पहिरोको चेतावनी दिइएको छ ।