प्रधानमन्त्री कार्कीद्वारा एनपीएलको उद्घाटन, हेलिकप्टरबाट पुष्पवृष्टि

काठमाडौं: प्रधानमन्त्री सुशीला कार्कीले दोस्रो संस्करणको नेपाल प्रिमियर लिग (एनपीएल) क्रिकेट प्रतियोगिताको उद्घाटन गर्नुभएको छ । कीर्तिपुरस्थित त्रिवि अन्र्तराष्ट्रिय रंगशालामा एक कार्यक्रमकाबीच कार्कीले प्रतियोगिताको उद्घाटन गर्नुभएको हो ।

उद्घाटन समारोहमा राष्ट्रिय खेलकुद परिषदका सदस्य सचिव टंकलाल घिसिङ, नेपाल क्रिकेट संघका अध्यक्ष चतुरबहादुर चन्दलगायतको उपस्थिती रहेको थियो ।
उद्घाटन समारोहमा त्रिवि रंगशालामा हेलिकप्टरबाट पुष्पवृष्टि समेत गरियो ।

आजको उद्घाटन खेलमा काठमाडौं गुर्खाज र साविक विजेता जनकपुर बोल्ट्सबीच प्रतिस्प्रर्धा हुँदैछ।
काठमाडौंले टस जितेर बलिङ गरिरहेको छ ।
नेपाल क्रिकेट संघको आयोजनामा सुरु भएको प्रतियोगिता मंसिर २७ गते सम्पन्न हुनेछ ।
प्रतियोगितामा विभिन्न आठ टोली सहभागी छन् ।