एनपीएल क्रिकेटमा आज दुई खेल हुने

काठमाडौं।
राजधानीमा जारी दोस्रो संस्करणकाे नेपाल प्रिमियर लिग(एनपीएल) मा आज दुई खेल हुँदैछन् ।

त्रिवि अन्तर्राष्ट्रिय क्रिकेट रंगशाला,कीर्तिपुरमा बिहान ११:४५ बजे हुने पहिलाे खेलमा चितवन राइनाेज र कर्णाली याक्स भिड्दा दाेस्राे खेलमा विराटनगर किंग्स र पाेखरा एभेन्जर्स प्रतिस्पर्धा गर्नेछन् ।
चारवटै टाेलीकाे लक्ष्य सुखद सुरूवात गर्ने हुनेछ ।
चितवन कुशल मल्लकाे कप्तानीमा मैदान उत्रिदा कर्णालीकाे नेतृत्व साेमपाल कामीले गर्नेछन् ।
यस्तै विराटनगरकाे नेतृत्व सन्दीप लामिछानेले सम्हाल्दा पाेखराकाे कप्तान कुशल भुर्तेल रहनेछन् ।
यसअघि हिजाे सम्पन्न खेलमा साविक विजेता जनकपुर बाेल्ट्सलाई ५ विकेटले हराएर काठमाडौं गाेर्खाजले सुखद सुरूवात गरेकाे छ। जितसंगै काठमाडौंले अंकतालिकामा २ अंक पनि जाेड्याे।
नेपाल क्रिकेट संघ(क्यान) काे आयाेजनामा मङ्सिर १ गतेदेखि सुरू प्रतियोगिताकाे फाइनल मङ्सिर २७ मा हुनेछ ।
प्रतियोगिताकाे विजेताले १ कराेड १० लाख पाउने क्यानले जनाएको छ।