एनपीएलमा आज लुम्बिनी र चितवन भिड्ने

काठमाडौं: राजधानीमा जारी नेपाल प्रिमियर लिग (एनपीएल) मा आज पनि एकमात्र खेल हुने भएको छ।

त्रिवि अन्तराष्ट्रिय क्रिकेट रंगशाला, कीर्तिपुरमा अपराह्न ४ बजे शुरू हुने खेलमा लुम्बिनी लायन्स र चितवन राइनोजबीच प्रतिस्पर्धा हुनेछ ।

राेहित पाैडेलकाे कप्तानीमा रहेकाे लुम्बिनी पहिलो खेल खेल्न लागेको हो भने कुशल मल्लकाे नेतृत्वमा मैदान उत्रने चितवन दोस्रो जितको खोजीमा हुनेछ ।

पहिलो खेलमा कर्णाली याक्सलाई ४ विकेटले हराएको चितवन लय कायम राख्दै प्लेअफ पुग्ने लक्ष्यमा छ। लुम्बिनी सुखद सुरूआत गर्न चाहन्छ।
गत संस्करणमा लुम्बिनीले ७ मध्ये १ खेलमात्र जित्दै तालिकाको पुछारमा रहेर बाहिरिएको थियो।

चितवन राइनोज गत संस्करण प्लेअफसम्म पगेको थियो।

गत संस्करणकाे लिग चरणमा चितवनविरुद्ध लुम्बिनी ३३ रनले विजयी भएको थियो । चितवनविरुद्धको त्यो जित नै लुम्बिनीको एकमात्र सफलता रहेको थियाे।
आज उक्त हारकाे बदला लिने दाउमा चितवन रहनेछ भने लुम्बिनी अर्काे जित कायम गर्ने लक्ष्यमा हुनेछ ।

नेपाल क्रिकेट संघ(क्यान)काे आयाेजनामा मंसिर १ गतेदेखि सुरू भएको प्रतियोगितामा८ टाेली सहभागी छन्।