बैतडी जिल्ला खेलकुद समितिको अध्यक्षमा चन्द मनोनित

बैतडी,

बैतडी जिल्ला खेलकुद समितिको अध्यक्षमा भुपेन्द्र चन्द मनोनित भएकाछन् । सुदूरपश्चिम प्रदेश सरकार अन्तर्गत सामाजिक विकास मन्त्रालय मातहत रहेको सुदूरपश्चिम प्रदेश खेलकुद परिषद्ले उनलाई मनोनयन गरेको हो ।

परिषद्ले जारी गरेको पत्रअनुसार सुदूरपश्चिम प्रदेश खेलकुद नियमावली २०७६ को व्यवस्था अनुसार चन्दलाई जिल्ला खेलकुद समितिको अध्यक्ष पदमा ४ वर्षका लागि मनोनयन गरिएको हो ।

दशरथचन्द नगरपालिका–१, बैतडी निवासी चन्दलाई खेलकुद क्षेत्रको विकास, नियमावलीअनुसार जिम्मेवारी पूरा गर्ने विश्वासका साथ उक्त पदमा नियुक्त गरिएको पत्रमा उल्लेख छ ।

अध्यक्ष मनोनित भएका चन्दले बैतडीमा खेलकुलको विकासका लागि अहोरात्र खटिले बताएकाछन् । विभिन्न प्रतियोगीताका लागि निष्पक्ष रुपले खेलाडी छनोट, खेलाडीलाई प्रशिक्षण नयाँ प्रतिभाहरुलाई उपयुक्त मौका प्रदान गर्ने उनको भनाई छ ।