एनपिएल क्रिकेट: चार टाेली मैदानमा उत्रने

काठमाडौं,१२ मंसिर: राजधानीमा जारी दाेस्राे संस्करणको नेपाल प्रिमियर लिग (एनपिएल) क्रिकेटमा आज पनि दुई खेल हुनेछन्।

त्रिवि अन्तर्राष्ट्रिय क्रिकेट रंगशाला,कीर्तिपुरमा बिहान पौने १२ बजे पहिलो खेलमा चितवन राइनाेज र काठमाडौं गाेर्खाज भिड्दा अपरान्ह ४ बजे कर्णाली याक्स र विराटनगर किङस प्रतिस्पर्धा गर्नेछन् ।

चितवन तीन खेलबाट चार अंक जाेड्दै अंकतालिकाकाे तेस्रो स्थानमा छ। आजकाे खेल जितेर चितवन प्लेअफकाे आफ्नाे बाटाे फराकिलाे बनाउन चाहन्छ।

काठमाडौंले भने चारमा दुईमा मात्रै जित निकालेकाे छ। आजकाे खेल नजिते काठमाडौंलाई प्लेअफ पुग्न निकै कठिन हुने देखिन्छ ।

यस्तै दाेस्राे खेलमा कर्णाली र विराटनगर मैदानमा उत्रनेछन् ।
तीन खेलबाट दुई अंक जाेडेकाे कर्णालीलाई प्लेअफकाे यात्रामा बसिरहन आजकाे खेल जित्नै पर्ने दबाब छ।
अंकतालिकाकाे दाेस्राे स्थानमा रहेको विराटनगरले चार खेलबाट छ अंक जाेडेकाे छ।
आजकाे खेल जिते उसकाे प्लेअफकाे यात्रा सहज हुनेछ।