एनपिएलमा काठमाडौँ र लुम्बिनी भिड्दै

काठमाडौं । नेपाल प्रिमियर लिग एनपीएल क्रिकेटमा आज काठमाडौं गुर्खाज र लुम्बिनी लायन्स आमने सामने हुँदैछन् ।

त्रिवि क्रिकेट मैदान कीर्तिपुरमा हुने खेल अपरान्ह ४ बजे सुरु हुनेछ । तीन खेल खेलेको काठमाडौंले अहिलेसम्म एक खेलको नतिजा आफ्नो पक्षमा पारेको छ भने दुई खेलमा पराजय भोगेको छ ।

लुम्बिनीले भने दुई वटा खेल खेलेकामा एउटा खेलको नतिजा आफ्नो पक्षमा पारेको छ । आज दुबै टोलीका लागि दोस्रो जित निकाल्ने लक्ष्य रहनेछ । यसअघि हिजो भएको खेलमा सुदूरपश्चिम रोयल्स र विराटनगर किङ्स विजयी भएका छन् । सुदूरले कर्णालीलाई ४५ रनले हराउँदा र जनकपुर विराटनगरसंग ९ रनले पराजित भएको हो ।

सुदूरले दिएको १ सय ४० रनको लक्ष्य पच्छ्याएको कर्णाली याक्स १९ दशमलब २ ओभरमा सबै विकेट गुमाएर ९४ रनमा समेटिन पुग्यो । विराटनगर किङ्सले लगातार तेस्रो जित हात पार्ने क्रममा १ सय ३६ रनको लक्ष्य दिएकोमा जनकपुले २० ओभरमा ९ विकेट गुमाएर १ सय २६ रनमा समेटिन पुगेकोथियो ।