बालेनमाथि लाग्यो राजनीतिक बार्गेनिङको आरोप

काठमाडौं । राजनीतिक दलबीच चुनावी रणनीति र तालमेललाई लिएर विवाद चुलिंदै गर्दा, बालेन साहमाथि लौरो चुनाव चिह्नलाई राजनीतिक बार्गेनिङको उपकरण बनाएको आरोप लागेको छ।

बुद्धनगरस्थित एक बैंक्वेटमा  बिहीबार आयोजित लौरो अभियान, स्वतन्त्र अभियान र जेनजी अभियानको विशेष भेला तथा पत्रकार सम्मेलनमा बालेनमाथि लौरो चुनाव चिह्नलाई निजी स्वार्थमा प्रयोग गरेको आरोप लगाइएको छ ।

बालेन  र उनको टिमले लौरो चुनाव चिह्न स्वतन्त्र समूहलाई सुनिश्चित सम्मानजनक र आधिकारिक रुपमा फिर्ता गर्नु पर्ने अभियन्ताहरुले बताएका छन् । देशभरका स्वतन्त्र व्यक्ति र लौरो अभियानका अभियान्ताहरुले लौरो चुनाव चिह्नलाई रुपान्तरण र पुस्तान्तरणको अभियानमा प्रयोग गरेको बताए । उनीहरुले लौरो चिह्न व्यक्ति समूह तथा गुटको निजी सम्पत्ति कहिल्यै पनि नरहेको बताएका छन् ।

राजनीतिक विश्लेषकहरूले यस कदमले आगामी निर्वाचन रणनीतिमा असर पर्न सक्ने र दलभित्र असन्तुष्टिलाई बढाउने चेतावनी दिएका छन्।

पार्टी र सम्बन्धित पक्षले यस विषयमा औपचारिक जवाफ जारी गर्ने तयारी गरिरहेको जानकारी प्राप्त भएको छ।