भृकुटीमण्डपमा पार्टी नेतृत्व र पारदर्शिताका लागि प्रदर्शन

काठमाडौं । नेपाली कांग्रेसको विशेष महाधिवेशनस्थल भृकुटीमण्डपमा प्रतिनिधिहरूले नयाँ नेतृत्व चयनको माग गर्दै नाराबाजी गरेका छन्। प्रतिनिधिहरूले “केन्द्रीय कार्यसमिति भंग गर, नयाँ नेतृत्व चयन गर” लगायतका नाराहरू लगाएका थिए।

विशेष महाधिवेशन पक्षधर र संस्थापन पक्षबीच वार्ता भए पनि निष्कर्ष निकालिन सकेन। विशेष महाधिवेशन पक्षधरले वार्ता प्रक्रियामा भागबण्डाको कुरा नगरेको स्पष्ट पारेका छन्।

नेता सुवास पोखरेलले पत्रकार सम्मेलनमार्फत भने, “हाम्रो माग भागबण्डाका लागि होइन, विधिको सर्वोच्चताका लागि हो। वार्तामा जाने साथीहरूलाई भागबण्डाको म्यान्डेट दिइएको छैन। सभापतिले सम्पूर्ण जिम्मेवारी छाड्नुपर्छ र आगामी प्रतिनिधि सभाको निर्वाचनमा देउवा लड्न नहुनेछ। विशेष महाधिवेशनको स्वामित्व पार्टीले लिनुपर्छ।”

भृकुटीमण्डपमा जारी विशेष महाधिवेशन स्थलमा प्रतिनिधिहरूको नाराबाजी र वार्ता असफल भएपछि भित्रै भित्रै राजनीतिक दबाब बढेको देखिन्छ।