अमरेशकुमार सिंह र रहबर अन्सारी रास्वपामा प्रवेश

सोमबार मधेस प्रदेशको राजधानी जनकपुरमा भएको बलिदानी दिवसको अवसर पारेर सिंह रास्वपा प्रवेश गरेका हुन् ।

लामो समय कांग्रेसको राजनीति गरेका सिंह २०७९ सालको निर्वाचनमा पार्टी छोडेर स्वतन्त्र उम्मेदवारी दिएका थिए । यो पटक रास्वपाबाट सर्लाही ४ बाट उम्मेदवारी दिने घोषणा गरिसकेका छन् ।

यस्तै मधेस प्रदेश सभामा नेपाली कम्युनिस्ट पार्टी(साविक माओवादी केन्द्र)का सांसद रहेका रहबर अन्सारी पनि रास्वपा प्रवेश गरेका छन् । अन्सारीले पार्टीको नीति र नेतृत्वप्रति असन्तुष्टि जनाउँदै केहि दिनअघि पार्टी र प्रदेश सभा सदस्यबाट राजीनामा दिएका थिए ।