झापा–५ मा बालेनको टिकट सुनिश्चित, ओलीसँग प्रतिस्पर्धा

काठमाडौँ । राष्ट्रिय स्वतन्त्र पार्टी (रास्वपा) ले वरिष्ठ नेता बालेन्द्र शाह (बालेन) लाई आगामी आमनिर्वाचनका लागि उम्मेदवारको टिकट दिएको छ ।

फागुन २१ गते हुने प्रतिनिधिसभा सदस्य निर्वाचनका लागि बालेनलाई झापा क्षेत्र नम्बर–५ बाट पार्टीले टिकट दिएको हो। उनलाई पार्टी सभापति रवि लामिछानेले सोमबार जनकपुरमा आयोजित सभामा औपचारिक रूपमा टिकट हस्तान्तरण गरेका हुन्।

यस निर्णयसँगै झापा–५ मा बालेनले नेकपा (एमाले) का अध्यक्ष तथा पूर्वप्रधानमन्त्री केपी शर्मा ओली लगायतका अन्य उम्मेदवारसँग प्रतिस्पर्धा गर्ने पक्का भएको छ।

बालेनको उम्मेदवारीले क्षेत्रीय राजनीतिमा नयाँ सक्रियता र प्रतिस्पर्धात्मक माहोल सिर्जना गर्ने छ। आगामी निर्वाचनमा वैकल्पिक राजनीति र पुराना नेताबीचको भिडन्त अझ रोचक बन्ने अपेक्षा गरिएको छ।