पूर्वपछि सुदूरपश्चिमतर्फ बालेन, चुनावी दौडधूप तीव्र

काठमाडौं। काठमाडौं महानगरपालिकाको मेयर पदबाट राजीनामा दिएपछि रास्वपाका वरिष्ठ नेता बालेन्द्र शाह (बालेन) देशव्यापी चुनावी अभियानमा सक्रिय बनेका छन्। पूर्वका विभिन्न जिल्लाको भ्रमण सकेर काठमाडौं फर्किएका बालेन अब सुदूरपश्चिम जाने तयारीमा छन्।

माघ ४ गते राजीनामा दिएपछि जनकपुर हुँदै झापा पुगेका बालेनले झापा–५ बाट प्रतिनिधिसभा उम्मेदवारी दर्ता गराएका छन्। त्यसपछि इलाम, ताप्लेजुङ, पाँचथर र तेह्रथुममा समर्थकसँग भेटघाट गरेका थिए। पूर्वी भ्रमणलाई उनको चुनावी अभियानको प्रारम्भिक चरणका रूपमा हेरिएको छ।

अब बालेन अछामदेखि कैलालीसम्म सुदूरपश्चिमका जिल्लामा चुनावी प्रचारमा सहभागी हुनेछन्। सुदूरपश्चिमपछि उनी काठमाडौं र ललितपुरका केही निर्वाचन क्षेत्रमा पनि सक्रिय हुने कार्यक्रम छ। यसबीच, एमाले अध्यक्ष केपी शर्मा ओलीसँग सार्वजनिक बहस गर्ने प्रस्तावलाई बालेनले अस्वीकार गर्दै कडा प्रतिक्रिया जनाएका छन्।

चुनावी अभियान, आक्रामक अभिव्यक्ति र विवादका बीच बालेनको गतिविधिले आगामी निर्वाचनमा नयाँ राजनीतिक ध्रुवीकरणको संकेत देखिएको छ।