महिला टी-२० विश्वकप छनोटको खेलतालिका सार्वजनिक

काठमाडौं । सन् २०२६ जनवरीमा काठमाडौंमा हुने आईसीसी महिला टी–२० विश्वकप ग्लोबल छनोटको खेलतालिका सार्वजनिक भएको छ ।

मंगलबार बिहान नेपाल क्रिकेट संघ (क्यान)ले समूह विभाजनसँगै खेल तालिका सार्वजनिक गरेको हो। आयोजक नेपाल समूह ‘बी’मा परेको छ।

प्रतियोगितामा नेपालसहित १० देश सहभागी हुँदैछन्। यो प्रतियोगिता त्रिवि क्रिकेट मैदान, कीर्तिपुर र मुलपानी क्रिकेट मैदानमा हुँदैछ। प्रतियोगिताको सुरुवात जनवरी १८ तारिखदेखि हुँदैछ। त्यसअघि जनवरी १४ र १६ तारिखमा वामअप खेल हुनेछन्।

१० देश सहभागी सुपर सिक्सको छनोट हुनेछ। सुपर सिक्सबाट शीर्ष चारमा पर्न सफल देश २०२६ को विश्वकपमा छनोट हुनेछन्।