एसीसी यू-१९ प्रिमियर कप: नेपाल च्याम्पियन बन्ने लक्ष्यमा, यूएईसँग भिड्दै

काठमाडौं,१५ मंसिर
नेपालले संयुक्त अरब इमिरेट्स (यूएई) मा जारी एसीसी पुरुष यू-१९ प्रिमियर कप क्रिकेटमा च्याम्पियन बन्ने लक्ष्यका साथ आयाेजक यूएईसँग भिड्दैछ।
उपाधि भिडन्त आज बिहान १०:३० बजे अजमानस्थित करवान मैदानमा हुनेछ।
नेपालले मलेसियालाई ९ विकेटले हराएर उपाधिनजिक पुगेको हाे। युएईले भने ओमानलाई ८ विकेटले पराजित गर्दै फाइनलमा सुरक्षित भएको हाे।
नेपाल र युएई एसिया कप खेल्नका लागि भने छनाेट भइसकेका छन्।
प्रतियोगिताको फाइनलमा पुग्ने दुबै टोली सिधै एसिया कपमा छनोट हुने प्रावधान छ।
सेमिफाइनलमा पराजित हुने टोलीबीच तेस्रो स्थानका लागि खेल हुने र तेस्रो स्थान हासिल गर्ने टोली पनि एसिया कपमा पुग्ने नियम छ ।
तेस्रो स्थानका लागि आज नै मलेसिया र ओमान खेल्नेछन् ।
प्रतियोगितामा १४ टोलीको सहभागिता रहेको थियाे।
यू-१९ एसिया कप आगामी डिसेम्बरमा यूएईमै हुँदैछ ।