रूपन्देही-२ बाट उपाध्यक्ष विष्णु पौडेलको नाम एकल सिफारिस

रुपन्देही। नेकपा एमालेका उपाध्यक्ष विष्णुप्रसाद पौडेल रुपन्देही क्षेत्र नं २ बाट आगामी प्रतिनिधि सभा निर्वाचनका लागि एकल उम्मेदार सिफारिस भएका छन् ।

एमाले रुपन्देही- २ का क्षेत्रीय सहसंयोजक राजेन्द्र ढकालले अहिले भरखर सम्पन्न कमिटीको बैठकले पार्टी केन्द्रीय उपाध्यक्ष तथा प्रर्व उप तथा अर्थमन्त्री विष्णु पौडेलको नाम एकल रुपमा सिफारिस गरिएको बताए ।

पौडेल यो क्षेत्रबाट ०५६ सालदेखि निरन्तर उम्मेदार रहेका छन् भने ०६४ देखि निरन्तर जित्दै आएका छन् । पटक पटक मन्त्री, अर्थमन्त्री तथा उपप्रधानमन्त्री भइसकेकाले यो क्षेत्रको विकासका लागि एकल रुपमा पठाउने बैठकमा सहभागी सबैको चाहना भएपछि सर्वसम्मत निर्णय भएको ढकालले जनाएका छन् ।

यस्तै, पाल्पा-२ बाट पनि पौडेलसहित चार जनाको नाम सिफारिस भएको छ ।