एनपीएल मंसिर १ गतेदेखि, खेलतालिका सार्वजनिक

काठमाडौं: नेपाल क्रिकेट संघको आयोजना मंसिर १ गतेदेखि सुरु हुने दोस्रो संस्करणको नेपाल प्रिमियर लिग एनपीएलको खेल तालिका सार्वजनिक भएको छ।

सार्वजनिक तालिकाअनुसार उद्घाटन खेलमा साविक विजेता जनकपुर वोल्सले काठमाडौँ गुर्खाज भिड्ने भएका छन्।

उक्त दिन एक खेल मात्रै रहेको छ भने खेल ४ बजेबाट सुरु हुनेछ। यस्तै खेल फ्लडलाइडमा हुनेछ।

दोस्रो दिन दुई खेल हुनेछ भने तेस्रो, चौथो र पाँचौँ दिन पनि समान एक खेल हुनेछ। दिनमा दुई खेल हुँदा पहिलो खेल ११ ४५ तथा दोस्रो खेल ४ बजेबाट सुरु हुनेछ।

दोस्रो दिन चितवन राइनोज र कर्णाली याक्स तथा बिराटनगर किंग्स र पोखरा एभेन्जर्स भिड्नेछ।

यस्तै, प्रतियोगिताको फाइनल खेल मंसिर २७ गते हुनेछ।

प्रतियोगितामा आठ टोलीको सहभागिता रहनेछ।