काठमाडौं:राजधानीमा जारी दाेस्राे संस्करणको नेपाल प्रिमियर लिग (एनपिएल) क्रिकेटमा आज दुई खेल हुनेछन्।
पहिलो खेलमा बिहान पौने १२ बजे साविक विजेता जनकपुर बोल्ट्स र विराटनगर किङ्स तथा दोस्रो खेलमा अपरान्ह ४ बजे साविक उपविजेता सुदूरपश्चिम रोयल्स र कर्णाली याक्सबीच प्रतिस्पर्धा हुनेछ।
विराटनगर र सुदूरपश्चिम अपराजित यात्रा कायम राख्ने लक्ष्यमा छन् ।
अनिल शाहकाे कप्तानीमा रहेकाे जनकपुर पहिलो खेलमै काठमाडाैं गाेर्खाजसँग ५ विकेटले स्तब्ध बन्यो। उपाधि दावेदारी प्रस्तुत गर्न जनकपुरलाई विराटनगरविरुद्ध पुनरागमन गर्दै लय समाउने चुनौती छ।
सन्दीप लामिछानेको कप्तानीमा रहेकाे विराटनगर लगातार तेस्रो खेल जित्ने लक्ष्यमा छ। विराटनगरले यसअघि पहिलो खेलमा पोखरा एभेन्जर्स र दोस्रो खेलमा काठमाडाैंविरुद्ध जित दर्ता गरेकाे थियाे।
यी दुईबीच गत संस्करण उद्घाटन खेलमा भएको भेटमा जनकपुरले ८ विकेटको सहज जित निकालेको थियो। आज उक्त बदला दिने साेच विराटनगरकाे रहनेछ।
दोस्रो खेलमा आजै दिपेन्द्र सिंह ऐरीकाे कप्तानीकाे सुदूरपश्चिम र साेमपाल कामी नेतृत्वको कर्णाली आमनेसामने हुनेछन्। गत संस्करण उत्कृष्ट प्रदर्शनका बाबजुद फाइनलमा स्तब्ध बनेको सुदूरपश्चिम यस पटक उपाधि जित्ने दाउमा छ।
यता, पहिलो खेलमा चितवन राइनोजसँगको हारबाट जारी संस्करण सुरु गरेको कर्णालीले शनिबार लुम्बिनी लायन्सलाई हराउँदै उत्कृष्ट पुनरागमन गर्यो। ९ विकेटको रवाफिलो जित निकाल्ने क्रममा कर्णालीका मार्क वाटले विष्फोटक शतकीय पारी खेल्दै जित दिलाएका थिए।
गत संस्करण रनरेटमा माथि पर्दै प्लेअफ पुगेको कर्णाली यस पटक सहज यात्राको चाहानामा छ। गत संस्करणमा सुदूरपश्चिमले कर्णालीलाई ६ विकेटले स्तब्ध पारेको थियाे। आज उक्त हार दाेहाेर्याउने पक्षमा कर्णाली हुनेछैन ।
नेपाल क्रिकेट संघ(क्यान)को आयाेजनामा मंसिर १ गते सुरू भएको प्रतियोगिता मंसिर २७ मा समापन हुनेछ।
ताजा अपडेट
- रास्वपा र विवेकशील साझाबीच पार्टी एकता
- एमालेको ११ औँ महाधिवेशनको लोगो सार्वजनिक
- जेनजी आन्दोलनका १६९ घाइतेको वर्गीकरण
- ७७ प्रतिशत एचआइभी सङ्क्रमित मात्रै उपचारको दायरामा
- एनपिएल: आज कर्णाली र काठमाडौं भिड्दै
- काठमाडौँको तापक्रम निरन्तर घट्दै
- सुदूरपश्चिम दुई खेल अगावै प्ले अफमा
- बजार अनुमगनलाई तीव्र पार्दै विभाग
धेरैले पढेको
- जेनजी क्रान्तिमा अस्ताएका सपुतहरूलाई सम्झिंदा
- सामसङको दशैं अफर : ग्यालेक्सी जेड फोल्ड६ र फ्लिप६ को मूल्य घट्यो
- रास्वपा छाड्ने बढे,सन्तोष परियार पनि बाहिरिए
- आज मध्यम वर्षाको सम्भावना
- भारतको बिहारमा पहिलो चरणको मतदान सम्पन्
- पत्रकार खनिया मृत भेटिए
- फ्रिडम फोरमद्वारा राससलाई ३१ थान पुस्तक हस्तान्तरण
- रवि लामिछानेको मुद्दाको आज सुनुवाइ हुँदै


तपाईको प्रतिक्रिया